بياض أفكار

[الشربينى خطاب]

بياض أفكار
الجنة
عين الرضا
زي الفضا
ملهاش
أسوار
****
والعمر
أهو بينقضي
والليل أخره
نهار
*****
لو مش راضي
بنصيبك
تبقي العيشة
مرار
*****
دا لعتمة
وكر البوم
والقلب
اللي كله هموم
ها تقيد فيه
النار
****
طَفِّيها
بحبة ضي
يغسل
سواده الخرس
صدق وايمان
أنوار
*****
والفكرة
الخبيثة السودة
اللابده
جوه القلب
يتطردها
مع الخفافيش
حبة بياض
أفكار

[ناديه حسين]

ايوه

سلمت ياشاعرنا الكبير الشربيني خطاب

حسن النيه وحبة بياض تبقي الدنيا هنيه والعيشه رضيه

لااااااااااعدمناك

ودمت بخير :)

[د. أحمد الليثي]

لو البيضة قلبها أبيض
ما ييجي منَّها كتكــوت
لازم قلبها يصفـرّ
يإما الجنين هيموت
وقلب العبد يتملي
إيمان ومش سحتوت
والإيمان بيزيد وينقص
ولونه بياض مخلـوط.

[رشا الشربيني]

ايوه

سلمت ياشاعرنا الكبير الشربيني خطاب

حسن النيه وحبة بياض تبقي الدنيا هنيه والعيشه رضيه

لااااااااااعدمناك

ودمت بخير :)
رب العباد خلق لنا
في القلب
فطرة سليمة وميزان
لكن اللي قلبه
ملك زمامه ولجامه
شيطان
تلاقي نفسه الخبيثة
سيقاه
يتكبر علي البشر
كما فرعون
فاكر نفسه اله

[شاهين أبو الفتوح]

الله يبيض قلوبنا ويطهرها يا عمنا
درر شربينية من علياء الروح
دمت لنا
محبتي واحترامي
شاهين

[د. محمد حسن السمان]

سلام الـلـه عليكم
الأخ الغالي الأديب الشاعر الشربيني خطاب

كنت هنا , أقرأ اللقطات الجميلة , واستمتع بالشاعرية .
تقبل محبتي

أخوك
د. محمد حسن السمان

[محمود عبد الله سلامة]

يا عم شربيني
يا سقا الحكم
لساها مليانة قربة حكيم زيك
بتفيض كما أنهار
تجري بنور ضيك
انا بس جيت ارتوي
وأقول لك ازيك