مش قادرة ...

[صابرين الصباغ]

مش قادرة اتحمل غلطاتك
ولا حتى قسوة نزواتك
مش قادرة اتحمل صدقني
حساك بتخوني في سكاتك

كل يوم حساك بتخوني
احس بحاجة بتاخدك مني
واقتل شكي واقتل ظني
وبتفضحك دايما نظراتك

مش قادرة اتحمل غلطاتك

[ناديه حسين]

صح السانك اختي صابرين
احساس المرأه لايخطىء ابدا .. حيث ان الرجل يقع دائما في قبضة احساس المرأه وهو في حاله تلبس ..

دمتي بخير :)

[محمود عبد الله سلامة]

نعم
انه عذب البوح من شاعرة جميلة

كلماتك سلسلة في دخولها للقلب واقناع العقل بها
ولكن ليس كل الرجال خونة
انما هي حالة
ولكن افرزت لنا اجمل ما عندك

[أحمد حسن محمد]

مش قادرة اتحمل غلطاتك
ولا حتى قسوة نزواتك
مش قادرة اتحمل صدقني
حساك بتخوني في سكاتك

كل يوم حساك بتخوني
احس بحاجة بتاخدك مني
واقتل شكي واقتل ظني
وبتفضحك دايما نظراتك

مش قادرة اتحمل غلطاتك


أواه من لحظة إحساسي

تقتل فيّ، وتشغل راسي

لما باشوف ف عْنيك أيامي

ليها ملامح يتم كلامي

ابقى اتحرّك.

قول: "مش ممكن"

أصلي باموت لما بتتهاونْ

والموت عامل زي كأنك بتقول

: "ممكن"

[صابرين الصباغ]

صح السانك اختي صابرين
احساس المرأه لايخطىء ابدا .. حيث ان الرجل يقع دائما في قبضة احساس المرأه وهو في حاله تلبس ..

دمتي بخير :)

الحبيبة نادية
المراة تملك رادار لمشاعر الرجل
وياويله اللي يصوره رادارمشاعرها وهو أسرع من سرعة نبضها
تسحب منه رخصته في السعادة والهناء والحياة
شكرا حبيبتي ودمت رحيقا
مودتي وحبي

[د.ابراهيم ابوزيد]

شاعرتنا صابرين الصباغ

وتصور جميل لانثى ترفض الخيانة

وللرجل وجهة نظر أخرى

***


سهم كلامى حيدمى جفونك

ايوه بخونك ... ايوه بخونك

مانتى ياروحى سبب ف خيانتى

لمّا طفيتى النور ف عيونك

لمّا ضمنتى غرامى وحبى

خبيتى وردك جوه غصونك

شكلك ساعة الصبح مضلم

شجر الليل بيدارى جنونك

ايوه بخونك ... ايوه بخونك

[الشربينى خطاب]

من نظراتي
عرفتي خيانتي
وقلتي وعدتي
كل ظنوك
****
لا يا حبيبتي
خانك ظنك
ولا لأن
الغيرة العامية
هزت صورتي
جوه ف قلبك
****
ساعة تشوفيني
بلاغي عصفورة
أو تلاقيني
برسم واحدة
طرحه خدودها
وردة ف صورة
أو تلاقيني
راسم صورتي
من غير صورتك
ألقي الغيرة
العميَّه تجرك
لدروب شكك
تعمي عنيك
وتاكل قلبك
وتصور لك
كل ظنونك

[اسلام محروس]

العزيزة صابرين
عمل يتغنى
ففيه اجتمعت البساطه بالرقة
دمت كما أنت فلا أجمل من ذلك
وفى انتظار عمل جديد







فين الجديد؟









هانتظر كتير ؟










كل تقديرى
وفائق
احتراماتى

[مصطفى الجزار]

مش قادرة تتحمّلي ... قسوة من الخاينين=قلبِك خلاص اكتفى ... ساكت بقالُه سنين
زهرة بتبكي حروف... على صفحة الياسمين=والصبر منها نفد.. رغم انها... (صابرين) !!


ارتجال سريع من وحي كلماتك أيتها الأديبة الكبيرة.

قاقبليها بعُذرها

دومي بخير

**********
أستودعك الله

فارس المشاعر

[عماد تريسي]

يادي المصيبة يا اخواتي
دي الست بتشك في سكاتي
يعمل ايه اللي زي حلاتي
يرغي , يفضفض , ما يبطلش كلام ؟

الشك ياستي مش هو التدبير
لو حاسة حقيقي بأمر خطير
قوليه بوضوح ومن غير تدوير
على بلاطة أحلى , و بلاش أوهام

ده اللي بيناتنا عمر بحاله
بفرحه و حزنه و أهواله
لو الشك بينّا غنّى مواله
يبقى قولي علينا السلام

\
\

الفاضلة صابرين الصباغ

ما أعلاه ليس إلّا " خربشات " تجرأت فيها للمرة الأولى على العامية

فاقبليها على علاتها مشكورةً .


مودتي

[عبدالوهاب موسى]

عمل أدبى جميل أثار حفيظة
أحبة قلبى وأخوتى بل وحفيظتى نحن أبناء الجنس الخشن الخائن ههههههه
وسأدلو بدلوى بعد.
مبدعة شاملة أنت ياصابرين الصباغ:
عامية وفصحى ورواية إية الرواية دى(إيه الحلاوة دى) ههههه
دمت مبدعى قديرة
بحسّك الشعرى الشفيف.
ولكى احترامى وتقديرى.

[علاء مسلم]

كلماتك تحمل بوح عاشقة و كبرياء أميرة
سننتظر على ضفاف قلمك
تحيتي

[ابتسام إبراهيم تريسي]

مرحباً صابرين .
وأنا الآن ضيفتك عزيزتي .
رائع هذا التحريض الذي قامت به حروفك الجميلة للرجال كي يكتبوا هم أيضاً ـ وبالعامية ـ نصوصاً لطيفة .
أرأيت المرأة مستفزة للقرائح أينما حلّت ، حتّى الذين يخشون الكتابة بالعامية ، غامروا وخاضوا التجربة .
أحلى أمنياتي يا جميلة قالباً وروحاً .

[د. أحمد الليثي]

أين كانت هذه الدرة مختفية؟
الشاعرة الأستـاذة صابرين

اسمحي لي بتجـاوب على الماشي لا يرق لجمـال فكرتك، ولطف تعبيرك:

آه من ظنـك يقتـل فيّـا
كـل معـاني الحب الحيّـة
كل دقيقة عشقتـك فيهـا
كل سعادة شافتهـا عينيـا

جوايّا جـرح وحيرة كبيـرة
كنت لعـرش الحب أميـرة
كنت زمان البسمة الحلـوة
حل مكانهـا اليوم تكشيـرة

رغم قسـاوتك قلبي يقـول
هيَّ سحابة ومش هتْطـول
بكرة الفرحة تعـود لعينيك
بكرة نعيـم الدنيـا ننـول

صابر رغم مـرار نظـراتك
باسمع همسك وفي زفـراتك
بالقى عذاب وجنـون الغيرة
بيدمر ف حيـاتي وحيـاتك

ازاي قلبك فجـأة يطاوعـك
وتقولي إن باخـون وبالاوعك
دا انا لـو قلتي ف لحظـة الآه
كـل كيـاني بيتـوجَّعْلِـك

ارجعي لِيّـَا، وانا هارجعلـك!

[احمد الشربينى]

مش قادرة اتحمل غلطاتك
ولا حتى قسوة نزواتك
مش قادرة اتحمل صدقني
حساك بتخوني في سكاتك

كل يوم حساك بتخوني
احس بحاجة بتاخدك مني
واقتل شكي واقتل ظني
وبتفضحك دايما نظراتك

مش قادرة اتحمل غلطاتك
وانا رافض الشك ف احساسك
فى الحاضر حتى وف الأتى
بخضوعك لشيطان وسواسك
كان رفضى أبلغ بسكاتى
وبرغم الشك المتمكن
حبيتك أكتر من ذاتى
نزواتى من وحى خيالك
ولاطبع الكدب فى حساباتى
والصدق طبيعتى وتكوينى
وده اوضح معنى ف نظراتى
وان كنت راح اخرج من صمتى
فانا رافضك تسكنى فى حياتى
وان كنتى صحيح بتحبينى
فطبيعى تقدرى معاناتى
فاتحملى ذاتك ياحبيتى
دلأنك أكبر غلطاتى

الشاعرة الرقيقة
صابرين الصباغ
معذرة حيث طبيعة النص
إخذتنى فى هذا الاتجاه
فهو نص جدلى وانا اتجادل
مع النص دون صاحبته
احييك على رشاقة الاسلوب
وموقف الشاعرة وتبنيها لمبدأ
رفض الخيانة
والتى أسست عليه فكرتها
تقديرى واحترامى
احمد الشربينى
ابن الشاطئ