آآآآآآآآآآآه_يامصريين!

[د. أحمد الليثي]

"آه" م الألم، وعندنا "نعم" يا مصريين

ضربني الشاويش ميت قلم
وقال لي يا بن البجـم
ها خلّلي عيشتك عـدم
إنتَ وأبـوك بالجِـزَم
دا انتـم حثالة وغنـم

قلت بدل الآه آهيـن!

ورحت الانتخابات
ما بين وجع وآهات
ودعاء وإبتهالات
وصوَّت للبشوات
بالحبر بالبصمـات

وبدل النعم نعمين!

ووقفت في الطـوابير
ف حر، ف زمهرير
عشان رغيف مسامير
ما ترضى بِيه الِحْمير
وقلت طعمـه حرير

ومكسّـر يا ناس ضرسين!

وعملت واد فَـيِّيس
وجريت ورا الأتوبيس
خط المطـار - رمسيس
وبقيت خبيـر تخسيس
من غير كلام وحديس

والجيب ما فيه قرشين!

وبُست إيـد معاليـه
وجزمة أبوه وبَنِيـه
وبصوتي بأعلى ما فيه
دعيت له السميع يحميه
ويعَلِّي المراتب لِيـه

واحنا الخازوق واخدين!

[د. أحمد الليثي]

حطّيت على الآمال
جنـزير حديد واقفال
وغرقت في الأوحال
طنِّشْت ع الإهمال
لخبطت الحرام في حلال

وبرضه ننـام جعانين!

[الشربينى خطاب]

نعم يادكتور أحمد
هو انت اللي عيان
ولاَّ إحنا
اللي عيانيين
اتبدلت جلودنا
وقفانا وقحوفنا
بدل القفا قفايين
وطلعنا في المخ
ماهو أصل المخ
في الأساس طخين
من عهد خوفو وخفرع
لحد لآخر الفراعييين
هما انقرضوا يا دكتر
ولا لسه فاضل منهم
سلاطين باقييين 00!!؟

[د. أحمد الليثي]

الفراعين يا عمنـا خطـاب
في الدفـا جـوّة المفـرزة
بيفرخوا ويوَرِّثوا ف كتاكيت
ويسيبوا لنا إحنـا النرفزة

كتبنا علينا الشقا بإيدينا
وخدنا القفا ورا قفا عرض وطول
وقلنا آمين بحرقة وِوَطّينـا
لفرعون وإبنه، والقفا مشمول.

[د. أحمد الليثي]

بطَّلْت الخمـس صلــوات
والجمعة كمـان بالذات
والصوم، وما في زكـاة
واللحية بقت أشتـات
والتُّوب قَلَبْ شـورتات

وبرضه مش عاجبين!

[د. سلطان الحريري]

أتابع مثل هذا الألق بشغف كبير .
نعم إنها المعاناة التي تفرز مثل هذا الألق ..
سعيد بك د. أحمد
ولك حبي

[د. أحمد الليثي]

رحت العيـادة الميـري
بردان ومن مناخيـري
الرشح كان لي سميري
تعبـان، وجالي مصيري
في إيد طبيب مناشيـري

خد واحـدة م الرئتين!

[د. أحمد الليثي]

أتابع مثل هذا الألق بشغف كبير .
نعم إنها المعاناة التي تفرز مثل هذا الألق ..
سعيد بك د. أحمد
ولك حبي

تسعدني متابعتـك يا دكتور سلطان.
شكر الله لك.

=======
طافحة المجاري ف بيتي
والميّـه بُنِّـي ف زيتـي
وضاربة في سقفي وحيطي
والنـور مزاج خرابيطي
وكله جنـان تخطيطي

وادفع فاتورة ضعفين!

[د. أحمد الليثي]

شُفْت النهـارده مــزاد
كان فيه عبيد واسيـاد
والبنت ساحبـة الـواد
والعُـرْي م الأفخـاد
والعِرْض راح وانْبـاد

ما بقيتش عارف أنا فين!

[د. نجلاء طمان]

رائع هذا الاسقاط الحياتي المعانق لمعاناة شديدة

أعجبني وجعلني أبتسم

هي الكلمة تروح عن النفس ولو قليلا

دمت معبرا

د. نجلاء طمان

[د. أحمد الليثي]

رائع هذا الاسقاط الحياتي المعانق لمعاناة شديدة

أعجبني وجعلني أبتسم

هي الكلمة تروح عن النفس ولو قليلا

دمت معبرا

د. نجلاء طمان

الأخت الفاضلة الدكتورة نجـلاء

كما يقولون شر البليّة ما يُضْحِك!
دمت سالمـة.

[مروة عبدالله]

ورغم العذاب ورغم القرف

حياتنا هتفضل زي الساعة ما هتقف

بس برده راضيين وع العيشة صابرين

ومصرنا هتفضل في العين

مع خضرتها ولمة الحلوين


......


د. أحمد الليثي

أين تفاءل وصبر المصريين

أتابع بشغف ماذا يحدث أيضا للمصريين

محبتي لروائعك هنا

[د. أحمد الليثي]

ورغم العذاب ورغم القرف

حياتنا هتفضل زي الساعة ما هتقف

بس برده راضيين وع العيشة صابرين

ومصرنا هتفضل في العين

مع خضرتها ولمة الحلوين


......


د. أحمد الليثي

أين تفاءل وصبر المصريين

أتابع بشغف ماذا يحدث أيضا للمصريين

محبتي لروائعك هنا

آدينا اهوه صابرين
بندعي نقول يا معين
عافينا دنيـا وديـن
لكن بقى الفراعين
ذلٌّونا شمال ويمين

مين ينتقم لينا مين؟!

[د. أحمد الليثي]

ورغم العذاب ورغم القرف

حياتنا هتفضل زي الساعة ما هتقف

بس برده راضيين وع العيشة صابرين

ومصرنا هتفضل في العين

مع خضرتها ولمة الحلوين


......


د. أحمد الليثي

أين تفاءل وصبر المصريين

أتابع بشغف ماذا يحدث أيضا للمصريين

محبتي لروائعك هنا

ع البطن مضروبين
ع القفـا واكلين
نقوم ننام جعانين
وندلل الفراعيـن
بالعشرة آهوه باصمين
والإسم قال صابرين!

امتى الأجل يا معين؟!

[الشربينى خطاب]

الفراعين يا عمنـا خطـاب
في الدفـا جـوّة المفـرزة
بيفرخوا ويوَرِّثوا ف كتاكيت
ويسيبوا لنا إحنـا النرفزة

كتبنا علينا الشقا بإيدينا
وخدنا القفا ورا قفا عرض وطول
وقلنا آمين بحرقة وِوَطّينـا
لفرعون وإبنه، والقفا مشمول.

أي نعم حكم واتحكمْ
مشمول يا عم بالنفاذ
حبة شلاليت ولكمْ
وشوية نخز بالمنخاز
ينضرب الزبون ع القفا
لو حتي وقع وانكفا
ان اشا لله ينحرق بجاز

[محمد الحامدي]

أوافق هلى كل كلمة بل أصفق لها ، إلا العنوان ... خليها لكل ها الأمة العريانة الجيعانة ولكل القلوب المليانة
ما هو بس للمصريين
وعندها بدل النعم نعمين

يقال عندنا " كثر الهم يضّحك "

شكرا أيها الشربيني ، قلت صدقا وجئت حقا

[د. أحمد الليثي]

أي نعم حكم واتحكمْ
مشمول يا عم بالنفاذ
حبة شلاليت ولكمْ
وشوية نخز بالمنخاز
ينضرب الزبون ع القفا
لو حتي وقع وانكفا
ان اشا لله ينحرق بجاز

ماشي بدون تنطيـط
وعملت فيها عبيـط
ومشيت في قلب الحيـط
وسكّيت بإبرة وخيـط
ع البُق بغرز تخييـط

وبرضه انضرب قلميـن!

[د. أحمد الليثي]

أوافق هلى كل كلمة بل أصفق لها ، إلا العنوان ... خليها لكل ها الأمة العريانة الجيعانة ولكل القلوب المليانة
ما هو بس للمصريين
وعندها بدل النعم نعمين

يقال عندنا " كثر الهم يضّحك "

شكرا أيها الشربيني ، قلت صدقا وجئت حقا


علَّقت اليفط بالجـوز
وعملت فيها أراجـوز
ودعاية فلّ ولـوز
وقلت يسلم بـوز
اللي غيره ما نعـوز

وانا قلبي كله أنين!

[د. أحمد الليثي]

صوّت ضد كفايـة
بمزاجي يعني هوايـة
وخدت العيـال ويَّـايا
وهتفت قولوا معايا
يا معارضة انتو غوايّـة

ورحت في الرجليـن!

[د. أحمد الليثي]

علَّقت اليفط بالجـوز
وعملت فيها أراجـوز
ودعاية فلّ ولـوز
وقلت يسلم بـوز
اللي غيره ما نعـوز

وانا قلبي كله أنين!

[د. أحمد الليثي]

جالي المرض وبلاوي
ورحت لأطبّـا نقـاوي
بالسلف ولِعب الحاوي
قالوا يا سي معدّاوي
تغسل فشش وكلاوي

والقرش أجيبـه منيـن؟

[د. أحمد الليثي]

جت سوسو بنت نعيمة
من دُول بتوع السيمـا
مضروبة **** قديمـة
عملوا لها فيلـم وقيمـة.
وابـو شنـب بـريمـة

ملطوع بقى له سنين!

[د. أحمد الليثي]

فتحت ورشـة ألاتي
أطبِّل واقول يا حياتي
الدنيا حلـوة ليلاتي
ونسيت عيالي وبناتي
وبقيت خسيس وفلاتي

وِصبحْت مِ الواصلين!

[د. أحمد الليثي]

أحمد عز يتزوج شاهيناز النجـار ... المهر 25 مليون جنيه!

آه مِ العـز وأكل الـوز
قوم يا معدِّل ياللا وفـز
عضو المجلس بس انْهَـز
شخشخ جيبه وزي الرز
نزِّل خمسة وعشرين طُز*

وجناننا جالنـا منيـن؟!

* طُـز: الاسم الجديد للمليون جنيه، وهو الاسم الذي حل محل "الأرنب".