عَشَرِة طاولة

[محمود عبد الله سلامة]

عشرة طاولة
ولا عرفت اللي كان الغالب من المغلوب
ولا مطلوب اكون صاحي
ولما الزهر بيواتي بكون نايم
وداير جوه حضن الليل
ولما صاحبي يسألني بتوه منه
وإكمنه حزين جدا
ففكر إني منه حزين
وهم سنين بيتكركب على راسي
ولا راسي ......... ولا راسية
صور بتدور على عيوني
تخاف مني ومن حزني
تخاف تلقاني يوم ناسي
ما انا ناسي
ولا عارف أكون نفسي
ولا عارف أعيش فيكي
يا دنيا
كل مافيكي .... بيبعدني
طب اعمل ايه
مانيش عارف
ما تقرصش اللي فـ إديا ... يا صاحبي بخاف
لتيجي البفة تسحب كل قواشيطي
والم فـ خانة المتاعيس
واعيش تاني واحاول اني اكون غالب
ولو أغلب بخاف برضه يا بخته اللي يعيش مغلوب
فيبقى يا بختي طول عمري
ولا بإيدي ولا بأمري
أكون فـ اليك محبوس لك
هامهدلك إجابة تكون على قدي
ومين قدي غذا تهت فـ خانات تانية
خانات ما يجيبها زهر تعيس كما زهري
واموت بدري
برغم ان النفس موجود
وقلبي يدق لكن برضه ماله وجود
فنفسي اقرص فـ يوم زهري وينقلني لخانة الحظ
قال يعني ماهيش طاولة
دي بنك الحظ
عشرتينك يا صاحبي سلام
ولا زودت فـ الخانات ولا قليت
لكن يا حسرتي فـ عمري
بقدم خانة قدامي وبرجع يجي ميت خطوة
ولما ارجع ألاقي جروحي فكراني
والاقي الفكر سجاني
ولا ببكي ولا اتكلم
ولكن لسه بتالم
بجوز يعني يكون ألمي دليل على إني لسه بعيش
واعيش حالة من التهميش
فما تطولش في الدور ده
كفاية علينا يا صاحبي تكون عشرة
بلاش اتنين
لا اعيد في الخانة أيامي
وأحلامي .... في توب كوابيس
تعالى نلعب الشطرنج
يجوز يعني أكون محظوظ ولو لحظة
ولكن عارف الحظ اللي تابعني
هاتنفي حصاني للقهرة
وحتى العسكر الهفتان فهاتشيله
وهاتموِّت لي ألف وزير
فزودنا يا واد احسن كمان عشرة من الطاولة

[صابرين الصباغ]

فيك تلاعبني ولو عشرة
في زمن ضاعت فيه العِشرة
لو حتفقد في الدنيا حبيب
مش راح يملى مكانه عشرة

تحية إليك أخي
أحملها بحميمية العامية ورقتها
أهلا بك ابن بلدي الكريم
شرفت بك الأروقة
دمت مبدعا

[محمود عبد الله سلامة]

فيك تلاعبني ولو عشرة
في زمن ضاعت فيه العِشرة
لو حتفقد في الدنيا حبيب
مش راح يملى مكانه عشرة

تحية إليك أخي
أحملها بحميمية العامية ورقتها
أهلا بك ابن بلدي الكريم
شرفت بك الأروقة
دمت مبدعا
الأخت الشاعرة صابرين الصباغ
تحياتي الغالية لك على مرورك الذي كان اول مصافحة لي هنا في هذا المنتدى الراقي
شكرا لك من القلب
محمود عبد الله سلامة

[مصطفى الجزار]

يا صاحبي الحظ دا مقاسات
كما الهِدمة اللي ع الجِتَّهْ
فلو كان المقاس واسع
بتبقى الهِدمة سَدّاده.. تلبِّس م الرجال سِتّه
ولو كان المقاس ماسِك وطبعُه بخيل
تلاقي التوب يغطي العورة بالعافية
وتتعرى ف جِلْد الدنيا ميت حته
هدوم وهموم بنلبِسها وتلبِسنا
وساعة النوم.. يطير الحلم فوق راسنا
فبنحاول ما نفزعهوش.. عشان يفضل مآنِسنا
وبرضُه يتفزع ويطير
يرُوح ع الزهر
نقوم نلعب معاه طاولة
عشان نكسب دَوَا للقَهر
وعُمْر الزهر يا صاحبي
ما شاف الجرح جوّانا
برغم انه مجالسنا
فسيب نفسك لنفس الدور
وسيبها تغلبك مَرّه
وقول حاضر إذا قالت:
تلاعبني كمان عشْرة؟
*****

ارتجال سريع يا أخي محمود...... فاقبل العذر

دُم بخير
********
أستودعك الله

فارس المشاعر

[د. نجلاء طمان]

طالما تساءلت لم أكره الطاولة؟؟
ربما لأن حياتنا ماهي الا "عشرة طاولة"
عموما اقتراحك بتجريب الشطرنج اقتراح رائع
لأن الأخير يقوم على التخطيط والذكاء
في حين تعتمد الأولى بالكلية على الحظ


دمت رائع الحظ سعيده

د. نجلاء طمان

[محمود عبد الله سلامة]

يا صاحبي الحظ دا مقاسات
كما الهِدمة اللي ع الجِتَّهْ
فلو كان المقاس واسع
بتبقى الهِدمة سَدّاده.. تلبِّس م الرجال سِتّه
ولو كان المقاس ماسِك وطبعُه بخيل
تلاقي التوب يغطي العورة بالعافية
وتتعرى ف جِلْد الدنيا ميت حته
هدوم وهموم بنلبِسها وتلبِسنا
وساعة النوم.. يطير الحلم فوق راسنا
فبنحاول ما نفزعهوش.. عشان يفضل مآنِسنا
وبرضُه يتفزع ويطير
يرُوح ع الزهر
نقوم نلعب معاه طاولة
عشان نكسب دَوَا للقَهر
وعُمْر الزهر يا صاحبي
ما شاف الجرح جوّانا
برغم انه مجالسنا
فسيب نفسك لنفس الدور
وسيبها تغلبك مَرّه
وقول حاضر إذا قالت:
تلاعبني كمان عشْرة؟
*****

ارتجال سريع يا أخي محمود...... فاقبل العذر

دُم بخير
********
أستودعك الله

فارس المشاعر


يا عمنا
انت عبقري
بجد والله
انت مش ممكن يا أخي
الله على كلامك
والأجمل انه ارتجال وانت رديت عليه بارتجال
الله أكبر عليك
بس يا ترى انت مين
شاعر جميل زيك ما ينفعش يبقى باسم غير اسمه
عرفنا عليك يا أخي

[محمود عبد الله سلامة]

طالما تساءلت لم أكره الطاولة؟؟
ربما لأن حياتنا ماهي الا "عشرة طاولة"
عموما اقتراحك بتجريب الشطرنج اقتراح رائع
لأن الأخير يقوم على التخطيط والذكاء
في حين تعتمد الأولى بالكلية على الحظ


دمت رائع الحظ سعيده

د. نجلاء طمان
ما بتتحسبش كده يا دكتور
الموضوع بعيد عن الطاولة كلعبة أو الشطرنج
احنا هنا في الحالة ذاتها
شكرا لمرورك يا دكتور

[محمود عبد الله سلامة]

أرجو من الادارة فتح خيار التعديل لورود خطأ إملائي غير متعمد أريد تصحيحه

[اسلام محروس]

محمود
لحصت الحياه فى عشرة طاولة ورمية زهر
حققت المعادلة ومزجت بين الفلسفة والبساطة
وهو ده محمود اللى بيكتب الناس بمفرداتهم وبفكره الخاص
تقبل كل تقديرى
وفائق
احتراماتى

[د.ابراهيم ابوزيد]

وللبساطة ابداع

وهنا رسمت البساطة الف لون للحزن

بمقدرة المبدع

[محمود عبد الله سلامة]

محمود
لخصت الحياه فى عشرة طاولة ورمية زهر
حققت المعادلة ومزجت بين الفلسفة والبساطة
وهو ده محمود اللى بيكتب الناس بمفرداتهم وبفكره الخاص
تقبل كل تقديرى
وفائق
احتراماتى
إسلام الشاعر النوراني
كلماتك ما زالت ترشدني إلى موقعي
لك مني كل احترام وتقدير وود يا صاحبي

[محمود عبد الله سلامة]

وللبساطة ابداع

وهنا رسمت البساطة الف لون للحزن

بمقدرة المبدع
شكرا لك د ابراهيم
احترامي وتقديري وشكري الحار على كلماتك التي لم تحويها السطور
محبتي
محمود

[الشربينى خطاب]

عشرة طاولة
ولا عرفت اللي كان الغالب من المغلوب
ولا مطلوب اكون صاحي
ولما الزهر بيواتي بكون نايم
وداير جوه حضن الليل
ولما صاحبي يسألني بتوه منه
وإكمنه حزين جدا
ففكر إني منه حزين
وهم سنين بيتكركب على راسي
ولا راسي ......... ولا راسية
صور بتدور على عيوني
تخاف مني ومن حزني
تخاف تلقاني يوم ناسي
ما انا ناسي
ولا عارف أكون نفسي
ولا عارف أعيش فيكي
يا دنيا
كل مافيكي .... بيبعدني
طب اعمل ايه
مانيش عارف
ما تقرصش اللي فـ إديا ... يا صاحبي بخاف
لتيجي البفة تسحب كل قواشيطي
والم فـ خانة المتاعيس
واعيش تاني واحاول اني اكون غالب
ولو أغلب بخاف برضه يا بخته اللي يعيش مغلوب
فيبقى يا بختي طول عمري
ولا بإيدي ولا بأمري
أكون فـ اليك محبوس لك
هامهدلك إجابة تكون على قدي
ومين قدي غذا تهت فـ خانات تانية
خانات ما يجيبها زهر تعيس كما زهري
واموت بدري
برغم ان النفس موجود
وقلبي يدق لكن برضه ماله وجود
فنفسي اقرص فـ يوم زهري وينقلني لخانة الحظ
قال يعني ماهيش طاولة
دي بنك الحظ
عشرتينك يا صاحبي سلام
ولا زودت فـ الخانات ولا قليت
لكن يا حسرتي فـ عمري
بقدم خانة قدامي وبرجع يجي ميت خطوة
ولما ارجع ألاقي جروحي فكراني
والاقي الفكر سجاني
ولا ببكي ولا اتكلم
ولكن لسه بتالم
بجوز يعني يكون ألمي دليل على إني لسه بعيش
واعيش حالة من التهميش
فما تطولش في الدور ده
كفاية علينا يا صاحبي تكون عشرة
بلاش اتنين
لا اعيد في الخانة أيامي
وأحلامي .... في توب كوابيس
تعالى نلعب الشطرنج
يجوز يعني أكون محظوظ ولو لحظة
ولكن عارف الحظ اللي تابعني
هاتنفي حصاني للقهرة
وحتى العسكر الهفتان فهاتشيله
وهاتموِّت لي ألف وزير
فزودنا يا واد احسن كمان عشرة من الطاولة
صباحك فل يا محمود
أسمع يا ولد أبو زيد
ابو طه ولد سلامة
منا قاعد هنا
ع القهوة جنبك
بعضْ
في صوابع الندامة

****
حكيم وسقا كيف
والقربة مخرومه
ناشفه الترع
والمساقي
حتي السواقي
أكلتها البرومه

****
اطلب لي شاي
بحليب
ولا تعلابني
عشرة كتشينة
واللعب يا صاحبي
ع المشاريب
بصره او كومي
انت والولد
وأنا الشايب
عريان
وخالع هدومي
لكن مداري
غلبي وحالي
لا يوم سبيت
ولا كنت عايب
وان ثرت مره
وقلت من غلبي
كلمة عيب
تلاقاني بقولها
في سري
خايف تجرح
ناس حبايب

****
شايف ورقك
من نورعنيك
بتقش بالشايب
ما خلاص يا حلو
بان المستخبي
جوه ف قلبك
ليَّا وللناس
اللي حواليك
اللي في جيبك
مش ليك
بتبعزفه علينا
وعشان كده
العشرة
راحت عليك

[حمدي ليلة]

ألاعبها
تلاعبنى
ولوقررت أغلبها
بتوهمنى
وبتسبنى
أخد لى منها دور ودورين
وترجع تانى
تغلبنىأخى الشاعر الجميل
محمود عبد الله سلامة
الصدق يقطر من بين حروفك
والحزن يخلق حالة من الشجن الجميل
رؤية أراها منطقية لواقع حى
وشاعرية عالية الأسلوب
تحياتى لهذا النص الجميل
ولك أيها المبدع

[محمود عبد الله سلامة]

صباحك فل يا محمود
أسمع يا ولد أبو زيد
ابو طه ولد سلامة
منا قاعد هنا
ع القهوة جنبك
بعضْ
في صوابع الندامة

****
حكيم وسقا كيف
والقربة مخرومه
ناشفه الترع
والمساقي
حتي السواقي
أكلتها البرومه

****
اطلب لي شاي
بحليب
ولا تعلابني
عشرة كتشينة
واللعب يا صاحبي
ع المشاريب
بصره او كومي
انت والولد
وأنا الشايب
عريان
وخالع هدومي
لكن مداري
غلبي وحالي
لا يوم سبيت
ولا كنت عايب
وان ثرت مره
وقلت من غلبي
كلمة عيب
تلاقاني بقولها
في سري
خايف تجرح
ناس حبايب

****
شايف ورقك
من نورعنيك
بتقش بالشايب
ما خلاص يا حلو
بان المستخبي
جوه ف قلبك
ليَّا وللناس
اللي حواليك
اللي في جيبك
مش ليك
بتبعزفه علينا
وعشان كده
العشرة
راحت عليك


ياااااااااااااااه يا عم شربيني
خايف تكون راحت العشرة عليا بجد
بس يا ترى الحياة هاتلاعبني كمان عشرة
يمكن اغلبها المرة دي

[محمود عبد الله سلامة]

ألاعبها
تلاعبنى
ولوقررت أغلبها
بتوهمنى
وبتسبنى
أخد لى منها دور ودورين
وترجع تانى
تغلبنىأخى الشاعر الجميل
محمود عبد الله سلامة
الصدق يقطر من بين حروفك
والحزن يخلق حالة من الشجن الجميل
رؤية أراها منطقية لواقع حى
وشاعرية عالية الأسلوب
تحياتى لهذا النص الجميل
ولك أيها المبدع

يا سلام يا عم حمدي
اجمل حاجة انك تلاقي شعرك يترد عليه بشعر
مش ضده
لكن في نفس السكة
مرورك شرف يا عمنا وتسلم لنا وما يحرمناش من مرورك يا جميل
محبتي
محمود