زاهية بنت البحر
30-10-2007, 08:01 PM
هذه القصيدة الزجلية ردعلى الشاعرة الأخت شيماء النادي في مكان آخر ..
الأب: سامحني ياابني
أنا خذلتك وماعرفتش أدافع عنك
ولاعن أختك
سامحني ياابي وشيل عني هم الإحساس بالذنب
وادعيلي أنسى قساوة الدمار والحرب
أما ماستهلش كون ليك أب
لأني حمِّلتك الهم والغمِّ والكَرْبْ
الابن:أسامحك؟
يابويا أنا عارف كل حاجة
وكل محتاجة زيك وزي الكل
لكن مااقدرش أعرف إيه النهاية
إحنا ماشيين ف طريق كله ألغام
مافيهوش شاطئ للسلام
مافيهوش شمس تكشف الظلام
مافيهوش محبة بين الناس
دي دنيا لئيمة داشرا على حلِّ شعرها
وفيها مليار نخاس ونخاس
مش الغريم بس هو الغريب
يابويا صار القريب هو الديب
دنيا ماعادش فيها أمان
ولافيها رحمة ف أي مكان
ناس زي الوحوش
همها الدنيا تحوش
ومايمهاش نزيف الدم
وقتل الخال والعم
وتدنيس المقدسات
وسلب أعراض البنات
المهم خود وهات
بالدولارات
وتقولي يابويا أسامحك؟
طب سامح نفسك إنت الأول
إن كنت تقدر
وأنا بعد كده هفكَّر
جايز السماح يتيسَّر
ماحدش يعرف إيه عليه مقدَّر
مع السلامة يابويا
خلِّي بالك من أمي وأخويا
وسلم لي على أختي سنية
والمية النقية
والست بهية
وعلى الجدود
وعلى اللي جاعدين على الحدود
وقلهم خلوا بالكم من ولادنا شويه
وماتتركوش للغراب فرصة يسرق فيها اللقمة من بُء الأبية
مع السلامة يابويا
مع السلامة
وماتنساش توصل الوصية
دي أمانة هيسألك عنها ربِّ البريَّة
شعر
زاهية بنت البحر
الأب: سامحني ياابني
أنا خذلتك وماعرفتش أدافع عنك
ولاعن أختك
سامحني ياابي وشيل عني هم الإحساس بالذنب
وادعيلي أنسى قساوة الدمار والحرب
أما ماستهلش كون ليك أب
لأني حمِّلتك الهم والغمِّ والكَرْبْ
الابن:أسامحك؟
يابويا أنا عارف كل حاجة
وكل محتاجة زيك وزي الكل
لكن مااقدرش أعرف إيه النهاية
إحنا ماشيين ف طريق كله ألغام
مافيهوش شاطئ للسلام
مافيهوش شمس تكشف الظلام
مافيهوش محبة بين الناس
دي دنيا لئيمة داشرا على حلِّ شعرها
وفيها مليار نخاس ونخاس
مش الغريم بس هو الغريب
يابويا صار القريب هو الديب
دنيا ماعادش فيها أمان
ولافيها رحمة ف أي مكان
ناس زي الوحوش
همها الدنيا تحوش
ومايمهاش نزيف الدم
وقتل الخال والعم
وتدنيس المقدسات
وسلب أعراض البنات
المهم خود وهات
بالدولارات
وتقولي يابويا أسامحك؟
طب سامح نفسك إنت الأول
إن كنت تقدر
وأنا بعد كده هفكَّر
جايز السماح يتيسَّر
ماحدش يعرف إيه عليه مقدَّر
مع السلامة يابويا
خلِّي بالك من أمي وأخويا
وسلم لي على أختي سنية
والمية النقية
والست بهية
وعلى الجدود
وعلى اللي جاعدين على الحدود
وقلهم خلوا بالكم من ولادنا شويه
وماتتركوش للغراب فرصة يسرق فيها اللقمة من بُء الأبية
مع السلامة يابويا
مع السلامة
وماتنساش توصل الوصية
دي أمانة هيسألك عنها ربِّ البريَّة
شعر
زاهية بنت البحر