ثلاثـية االزعيم "الـراحـل"

[د. أحمد الليثي]

_ الجــزء الأول _

الـراحل جمـال عبـد النـاصـر

[د. أحمد الليثي]

قالوا لنا بعد الثـورة تدوم الافـراح
وأحزانك يا مصري هتبقى ليالي ملاح
وما احلى الراحة بعد سنين ضنا وكفاح.

وجالنا نَجيب لِـوا من بني العسكر
وطار في ثانيـة قبل العسس ما يصفَّر
وم البرميل طلع ناصر فرحان وبيكركر.

وف عهد ناصـر كان العَدُو كاسر
وهزيمة جرت هزيمة يعني من الآخـر
ولاد اللئيمة ركبونا بهيمة، وشعبنا صابر.

ولما قال له إخوانه: شرع الله يا أميـر
وتراعي فينـا عهد الله والضميـر.
قال: عايزينَّـا نرجع لعصر الحمير؟
قالوا: أسلافنا؟ دول صحابة؟ والنبي؟
قال ده كلامي وأذكاكـم غبـي!
الحكم والسلطة دول ضميري ومطلبي.

وده كلام اللي اسمه الحركي موريس
اشتراكي مأصَّل أو شيـوعي تعيس
وف الرجلين راح شعب مصر فطيس
واللومان يشهد وقلعة صلاح الدين
ع المذابح اللي تستحي منها الشياطين
وكيف تلوموا اللي قال ما عنده دين؟

قالوا بس كان شريف ما حط في جيبه مال
قلت على ضهري أثر الجَلْـد لسه ما زال.
تتبدل الدنيـا، وعندي تقف الاحـوال؟
خُد فلوسي كلهـا واديني حبّة كرامة
يا بن بلدي وعارف على الدنيا السلامة
وبيني وبينك ربنـا بعدله يوم القيامـة.

وبعدها بقى مُخْرِج ويستحق له تمثـال
ولا الأوسكـار بعد حادث الاغتيـال
تمثيلية وتنضرب بيها في التاريخ الامثـال
والشعب هاج والفلاحين أصلهم طبعاً غلابة
ما يعرفـوش المستخبي ولا شغل الديابـة
ولا ألاعيب العسكريـة ولا مكر النيـابة

فين يا زعيـم راحت بيوتك الأمنيـة؟
فين السُّكْر والعربدة وعدل الاشتراكية؟
فين القَيافَة والقّيَامَة والخطب قال ثورية؟
والتجسس ع المواطـن والأجـانب
واللي نايم واللي قايـم واللي شـارب
واللي واكل واللي ساكت واللي كاتب
قالـوا كـل ده من فِعْـل عـامر!
هوَّ في كل المصـايب نِلْقَى عـامر؟
وام عامـر في الدناءة صيتهـا ساير
وناصـر قافيتـه على وزن عـامر
والأميـر في أيه كان ليله سـاهر؟
مش هو برضـه ناهـي وآمـر؟

وجاله محفوظ يجري ومعاه أولاد حارتنا
قال يا زعيم، الأزهرية هيبوظوا سمعتنا
وانت الحبيب واللعبة يا زعيم لعبتنـا
والزعيم بيجيله ما اعرف منين إلهـام
سابه ينشر ع الملا خرافات واوهـام
وحكم العسكرية من يوم فخامته لجام.

وف النهاية قدر الله على الجميع مكتـوب
ودخل الزعيـم تربته والقبر ما له جيـوب
وكل شيء حتى وزن الذرة كمان محسوب.

وإلى لقـاء مع الجـزء الثـاني

[د. أحمد الليثي]

_ الجـزء الثـانـي _

أنـور السـادات

====

وف عهد السادات شفنا يا ناس أزمات
ما سمعنا عنهـا ولا حتى في الخرافـات
تنعمل أفلام وتنكتب بالدماء حكايات

ورب العيلة ودولـة العلم والإيمـان
نقبـه طلع على شونه وقلِّب الأحزان
وتشهد عليه الثغرة في سينـا، والجولان

والحربي وأبو زعبل، ورجعنا تاني للومان
من شمال البحر وِلْحَدَّك يا جنوب أسوان
وطلعت لحيطانك يا مصر العروبة ودان

وده غير ميتين ألف من جنود المركزي
تمام يا فنـدم واللي ما يرفَّع ينجـزي
واللي صوته يترفع لازم وحتمـاً ينئزي

والبلد قالوا النهارده بتشهد إنفتاح
والحرام فيكي يا مصر أصبح مباح
والمثقف صابه ياخـوانّا انبطـاح

أصل دولة حضـرته دولة إيمـان
صناعة اسرائيلي وتخطيط الأمريكان
واسألوا غولدا وبيجين وموشى ديان

وراح مسرى النبي، ومعاه جنوب لبنان
وجه قانون الاحوال بتاع الست جيهان
وارقصي يا مصر وكركري لما يحكمك نسوان

ولَطَم الرجال، لكن النِّسـا كده زغرطت
واتهدت بيوت من غير عدد والقرود اتنططت
وانغَلَب الرجال، والنسا برضه اتشحططت.

وف قلب جيشه وفي حماية أُمَم م الحرس
بقى غربال ومَصْفَى وقلبك يا زعيم انهرس
والأجل مكتـوب والعمر انتهى وانْدَرَس.


وإلى لقـاء مع الجـزء الثـالث.

[ناديه حسين]

يعطيك العافيه اخوي الليثي

طبعا السياسه لها ناسها ..

بايام ناصر كنا خيال
وبايام انور كنا عيال
وبايام حسني صرنا رجال
واجيال ورى اجيال والتاريخ يسجل

ننتظر الجزء الثالث بشوق .. وياليت يكون حلمنتيشي ..:)رعاك الله ..ودمت بخير

[الشربينى خطاب]

الثورة لمَّا قامت
تحت علم أسماء
نجيب ولا ناصر
ولا يوسف وضياء
حطوا لنا مبادئ سته
تلاته قالوا إيه للهدد
وتلاته تانين للبناء

*****
الهدد00 الله ينور
ف ثانية دمرنا
اللي اتبني قبلينا
ولما جم يبنوا لنا
لقينا البونا بيتعثر
وناسنا وأهلينا
بيقولوا يااخوانا
يا ريتنا ما هدينا
****
أتارينا من جهلنا
لا حضرنا رمل وزلط
ولا خمَّرنا للبونا مونه
حتي مقاول الهدد
بعد خراب مالطة
وقف يضحك علينا
*****
قالوا نروح للشرق
يعمل لنا رسومات
طلعت رسومه تلج
وخلق لنا أزمات
*****
لما بني لنا السد
بالسلف والدين
قلب علينا الغرب
والغرب اصله كهين
حاصرنا وجُّوعنَّا
سنين ياما وسنين
حتي الزمن لوَّعنَّّا
خلاَّ اللي حاكمنَّا
ربطوا علي بطننا
حزام الجوع والفقر
عاشوا همَّا ف نعيم
وإحنا اللي بقي مُتنا
****
لا خططوا للبونا
ولا رسموا لبيوتنا
ولا خلواحق لينا
ولا وزعوه بينا
دا حتي من جبروتهم
غيروا أسامينا
مسعد ف الحبس سُعده
وخضرة تتسما مينا
حتي انت يا أخينا
لا رعيت حق الأله
في أهلنا وأهلك
سايق عليك نبينا
ما تجربوا من تاني
خطط الهدد فينا

[د. أحمد الليثي]

يعطيك العافيه اخوي الليثي

طبعا السياسه لها ناسها ..

بايام ناصر كنا خيال
وبايام انور كنا عيال
وبايام حسني صرنا رجال
واجيال ورى اجيال والتاريخ يسجل

ننتظر الجزء الثالث بشوق .. وياليت يكون حلمنتيشي ..:)رعاك الله ..ودمت بخير

الأخت الفاضلة الأستاذة نادية حسين
شكر الله لك مرورك وتعليقك.
وأسأل الله ألايطول الانتظـار.
دمت سالمـة.

[د. أحمد الليثي]

الثورة لمَّا قامت
تحت علم أسماء
نجيب ولا ناصر
ولا يوسف وضياء
حطوا لنا مبادئ سته
تلاته قالوا إيه للهدد
وتلاته تانين للبناء

*****
الهدد00 الله ينور
ف ثانية دمرنا
اللي اتبني قبلينا
ولما جم يبنوا لنا
لقينا البونا بيتعثر
وناسنا وأهلينا
بيقولوا يااخوانا
يا ريتنا ما هدينا
****
أتارينا من جهلنا
لا حضرنا رمل وزلط
ولا خمَّرنا للبونا مونه
حتي مقاول الهدد
بعد خراب مالطة
وقف يضحك علينا
*****
قالوا نروح للشرق
يعمل لنا رسومات
طلعت رسومه تلج
وخلق لنا أزمات
*****
لما بني لنا السد
بالسلف والدين
قلب علينا الغرب
والغرب اصله كهين
حاصرنا وجُّوعنَّا
سنين ياما وسنين
حتي الزمن لوَّعنَّّا
خلاَّ اللي حاكمنَّا
ربطوا علي بطننا
حزام الجوع والفقر
عاشوا همَّا ف نعيم
وإحنا اللي بقي مُتنا
****
لا خططوا للبونا
ولا رسموا لبيوتنا
ولا خلواحق لينا
ولا وزعوه بينا
دا حتي من جبروتهم
غيروا أسامينا
مسعد ف الحبس سُعده
وخضرة تتسما مينا
حتي انت يا أخينا
لا رعيت حق الأله
في أهلنا وأهلك
سايق عليك نبينا
ما تجربوا من تاني
خطط الهدد فينا

الأخ الفاضل الشاعر الأستاذ الشربيني خطاب:
شكر الله مرورك ومساهمتك. صح لسـانك.
دمت سالمـاً.