حمـــــاريـــــات 000لو غاوي 000شارك ببتين

[الشربينى خطاب]

حمــــــــــاريـــــــات 000

حكمة وقالها حلاق صحة
أبنوا في بيتكم زرايب
قالت البغال ويَّا الحمير
ننام فيها ونبقي حبايب
ونخلِّف جحوشه ويَّا بغال
ما يطلع فيها واحد خايب
*****
ما يضيَّقْ علينا الزريبة
غير طور بيحلم بجاموسه
بيغني بصوت يشبه لحمار
وضيف ومعاه حماره غربية
والكلاَّف ابو ريحه نتنه
وحلاق حمير وتمرجي بيطار
****
حمير كتير من أمريكا
خدت الزريبة ونص الدار
قلنا لهم وانبح صوتنا
إن المقاومة يا جماعة
مش بس قنابل موقوته
ولا انفجار وضرب رصاص
دي فيه حاجات مدروسه
عارفين مكانها المتخبي
محتاجه بس حمار رفَّاص
*****
بين الرجول فيه مخاصي
الضرب فيها يفقعها
مهما تداري ولاَّ تخبي
تعمل فضيحة ونسمعها
فتعيش مزلول ومتربي
زي العوانس والعقما
ترفع قضية علي مراتك
لو قلت عاوز اخلعها
*****
فخللِّي بالك يا غريب
م اللي ها يجرالك بدري
لوحتي قلت يادي الحوسه
مش ها يموتوك برصاصه
زقاقنا ضيق وفقايري
لو زنقوك جوه زقاقهم
حميرنا امخاخها طيخينه
عضاضة وكمان رفَّاصه

[د. أحمد الليثي]

حمير أميركا في فنادق
قول خمسة نجــوم
عليها حراس ببنادق
شيء مش مفهـوم
واحنا نضرب ونخانق
ف حمار مظلـوم
وكل عيشنا ف مزانق
والحال معــدوم

[د. أحمد الليثي]

يا خوفي يا نويهي* يا خويا
تغريك الرابطة** المذكورة
بقضيـة ضـد الشـربيني
أتعابهـا كبيـرة ومبـدورة
وتلاقي القاضي بسلامته
عربجي وعْنيه بقى مكسورة
من رفسة جحش إنما أُزعة
وقلب له الحالـة المستـورة
واضطر يصبح يوم قاضي
في قواضي الرفس المشهورة
ونفسه يخلَّص بقـى تـارُه
من كل حميـر المنصــورة
وهتلقى القاعة بقت زحمة
ببغال وحمير والشحرورة
بتغني شعار الحمورية
نحن الطايفة المضرورة
ونطالب بالحق المدني
والدرة أبو شوشة وزعرورة
ويقوم الشربيني يجلجل
ويوزع برسيـم وتاتـورة
وما تعرف مين فيهم جاني
ولا مين هتطالبه بفاتورة
وتضيّع نفسك وشبابك
في خناقة حميـري ومنظورة
وبعد ما كنت كده محامي
نلاقيك في تكيّــة قدُّورة.

======
* نويهي: الأستاذ عبد الرؤوف النويهي المحامي بالنقض.
**الرابطة: نقابة الحمير، حيث راسلت الأستاذ النويهي برد على حماريات الأستاذ الشربيني خطاب.

[عصام مشعل]

حمــــــــــاريـــــــات 000

حكمة وقالها حلاق صحة
أبنوا في بيتكم زرايب
قالت البغال ويَّا الحمير
ننام فيها ونبقي حبايب
ونخلِّف جحوشه ويَّا بغال
ما يطلع فيها واحد خايب
*****
ما يضيَّقْ علينا الزريبة
غير طور بيحلم بجاموسه
بيغني بصوت يشبه لحمار
وضيف ومعاه حماره غربية
والكلاَّف ابو ريحه نتنه
وحلاق حمير وتمرجي بيطار
****
حمير كتير من أمريكا
خدت الزريبة ونص الدار
قلنا لهم وانبح صوتنا
إن المقاومة يا جماعة
مش بس قنابل موقوته
ولا انفجار وضرب رصاص
دي فيه حاجات مدروسه
عارفين مكانها المتخبي
محتاجه بس حمار رفَّاص
*****
بين الرجول فيه مخاصي
الضرب فيها يفقعها
مهما تداري ولاَّ تخبي
تعمل فضيحة ونسمعها
فتعيش مزلول ومتربي
زي العوانس والعقما
ترفع قضية علي مراتك
لو قلت عاوز اخلعها
*****
فخللِّي بالك يا غريب
م اللي ها يجرالك بدري
لوحتي قلت يادي الحوسه
مش ها يموتوك برصاصه
زقاقنا ضيق وفقايري
لو زنقوك جوه زقاقهم
حميرنا امخاخها طيخينه
عضاضة وكمان رفَّاصه


الله عليك يا أستاذ شربيني

ربنا يسعدك كما أسعدتنا بهذا النَص الجمييييييييييييييل جداً

رائع رائع رائع رائع والله

دُمت بخير

[الشربينى خطاب]

يا خوفي يا نويهي* يا خويا
تغريك الرابطة** المذكورة
بقضيـة ضـد الشـربيني
أتعابهـا كبيـرة ومبـدورة
وتلاقي القاضي بسلامته
عربجي وعْنيه بقى مكسورة
من رفسة جحش إنما أُزعة
وقلب له الحالـة المستـورة
واضطر يصبح يوم قاضي
في قواضي الرفس المشهورة
ونفسه يخلَّص بقـى تـارُه
من كل حميـر المنصــورة
وهتلقى القاعة بقت زحمة
ببغال وحمير والشحرورة
بتغني شعار الحمورية
نحن الطايفة المضرورة
ونطالب بالحق المدني
والدرة أبو شوشة وزعرورة
ويقوم الشربيني يجلجل
ويوزع برسيـم وتاتـورة
وما تعرف مين فيهم جاني
ولا مين هتطالبه بفاتورة
وتضيّع نفسك وشبابك
في خناقة حميـري ومنظورة
وبعد ما كنت كده محامي
نلاقيك في تكيّــة قدُّورة.

======
* نويهي: الأستاذ عبد الرؤوف النويهي المحامي بالنقض.
**الرابطة: نقابة الحمير، حيث راسلت الأستاذ النويهي برد على حماريات الأستاذ الشربيني خطاب.
تضامن مع الإستاذ/ أحمد الليثي رئيس لجنة الدفاع عن الحمير
ضد المدعي بالحق المندي عن رابطة : نقابة الحمير الأمريكاني
اسمع بقي
يا سعادة البية
دستورنا
وحاكم زرايبنا
كل الحمير
هنا متساوية
لامحسوبية
ولا واسطه
الكل فيها
يا با حبايبنا
لا فيها حمار
نافش ريشه
بيأكلوه باسطه
وبغاشه
وباقي الحمير
الشقيانه
تاكل حُمره
وشقافه
****
كل الحمير
مش محظوظة
واللي في مخلته
حاطط بوزه
حتماً بلاقي
اللي بعوزه
تبن ورجيع
و فول مدشوش
مع حبة ربَّا
خضرة وطريه
بدل الناشف
والرده
أهو برضه يحسن
في الموضوع
وليله بالعشا
تتقضي
****
بيخزنوا
ف كيس المعدة
كل اللي زايد
عن الطقة
ولمَّا يكون
وقت الراحة
بيمدغوه
ألفين مدغه
وكيس المعدة
طول الليل
حتماً يا سيدي
ها يتفضي
*****
بتقول حميرنا
في عنينا
بتحامي عنهم
وتدافع
من غيرأتعاب
ولا فزيتا 00!!؟
قال يعني البيه
ناوي يرحمنا
وعامل قال
قلبه علينا
وإحنا وهو
ما فيش فرق
حبة عسل
علي طحينه 00!!
مستني لمّأ
نموت يا محامي
تظهر وتبان
علي حقيتك
تمنع الجنازة
والدفنة
بإذن وتصريح
من قاضي
إلا ما تاخد
مصلحتك
وتسلخ الجلد
اللي علينا
****
قواتين محاكمكم
ما فهش رحمة
ولا العليقة
فيها لحمة
أصل المحلسه
ما هش نافعه
عمال تقول
الليثي باشا
عاملينك
حافلة ببغاشه
قصدك تغريه
ولا ترشيه
ببواقي الفرقة
الهباشة
نأبك مصيره
يا بن نويهي
بكره ها يطلع
علي شونه
الباشا شفايفه
ممسوكه
بلجام حديدي
وكماشه

[د. أحمد الليثي]

حمـار وعدَّى على غرزة
من غير تفتيش
قال يا ناس أنا هاتجننن
نفسي في حشيش
جابوا له حتة ف سيجارة
قال ما تقضِّيش
شوفوا لي عِلوين وتلاتة
يخُشَّوا النغاشيش.

[الشربينى خطاب]

شِربْ الحشيش وقَمّصْ
قول يجي علوين
وعدل مزاجه بشمة
وسنة افيون
****
لطشه الهوي
علي الكورنيش
غني وبرتع
علي كيفه
ما وقًَّفوش
غير للتفتيش
ظابط ف كمين
نافش ريشه
****
ساله وقاله
يا حمار يا بعيد
هو انت معاك
تصريح بنهيق
وجوازسفر
وشهادة الجيش ؟
ولاَّ انت هربان
م التجنيد ؟
***
حمارمسطول
غبي موش فاهم
حك راسه
في كتف شاويش
قاله يا صاحبي
انجدني
طول عمرك اخ
لينا وشقيق
ان كنت ف وارطة
انصحني
ولا القانون
منع التنهيق
اللي بيخرج
م النخاشيش
****
لهو همَّ منعوا
صوت النهيق
ولاِّ التحشيش
وحياة ابوك
فهَّمني
وحقك مخفوظ
في البقشيش
****
خليك معايا
وساعدني
يارب تترقي
فريق
ما تخللي البيه
ابن البهوات
يعتقني
و يغيرسؤلاته
لا يسبني
استعين بصديق !؟

[شاهين أبو الفتوح]

خلي الحقيقة تيجي عريانة
ممكن تقولي بأمانة
كام حمار فى عرب خانة
أخد خيولنا على خوانة ؟!




وحشني ياعمنا الشربيني ووحشني الشعر
محبتي
شاهين

[الشربينى خطاب]

يا عم شاهين يا بو التفانين
يا بو بحر غويط مليان ألحان
مش كل الحمير نغشة وحلوين
ماهو فيه أنواع بتشيل أوزان
أيشي طحين رز وعلة
وكمان سباخ وسخام الطين
والضهر مهري بفرقلة
وفيه حمير واقفة قبالي
جنب الهرم قول في السمان
بتشيل حريم كعبها عالي
أنا شفت مرة رخام مرمر
لمّأ الهوا شلح فستان
*****
لكن الغريب يا صاحبي
إن الحمار كييِّف وسكي
مع كل شفطة نفس دخان
حتي الفستان ماشي يتدلع
والشورط خلَّي الحاجة تبان
النار في قلبي ها تولع
من كتر بصي علي النسوان
والعربجي شافني مباحلق
ساكت وواقف فرحان نشوان
قال لي ابعد بعيد لتتزحلق
وتروح يا صاحبي
في خبر كان

[حمدي ليلة]

حمار وساب الزريبة
وقال : واابرسيماه!!
حافره اتبرى م اللف
مسكين وياولاداه....
لاعيونه شبعوا بكا
ولا العلف كفّـــاه