أعمال غنائية

[شاهين أبو الفتوح]

اضغط هنا لتستمع

http://www.zshare.net/audio/3839211338337b

ديموس كراتس





كلمات وانتاج / شاهين أبوالفتوح

لحن وأداء / فايد عبدالعزيز

توزيع موسيقي / تامر صقر






ديموس كراتس يعنى بطاطس مقلية ف تلج
يعنى بهية تسكت خالص ويبان الفرق
يعنى اللى برة يدخل جوة
يعنى اللى جوة يخرج برة
يعنى الشمس هتطلع باردة
لو الشرق ينام للغرب



ديموس كراتس يعنى تغمض لجل تشوف
يعنى الضلمة جاية بقوة
يعنى النور يطفيه الخوف
يعنى ال East يضيع فى ال West
و امبارح اصله ما كانش
ونبقى فى بلادنا ضيوف



ديموس كراتس يعنى كلام ع المكشوف
يعنى ضرورى حكم الغابة
يعنى الشاه يحميها ديابة
يعنى التور يفضل متغمى
والبقرة يحلبها خروف




ديموس كراتس من محيطيكا الى خليجيكا
يعنى مصير بكرة لأمسه
يعنى امريكا تفنن فيكا فن بيكاسو
يعنى الأصل فى جدر الشجرة
لكن الأرض مفيش من أصله




ديموس كراتس يعني استنى يجيك الدور
إما تطاطى ومش هتعدى
واما الساقية ولف ودور
يعنى هنحفر بايدنا قبورنا
مع إن الساعد مكسور



ديموس كراتس حلق حوش
اوعى تغرك كدبة بوش
عمر الحق ما يجى بالخوف
اصل غوايش بوش كلابوش

[شاهين أبو الفتوح]

تيجي نبنيها

ضغط هنا لتستمع

http://www.zshare.net/audio/377671982c9a4d/



كلمات وإنتاج / شاهين أبوالفتوح

لحن وغناء / محمد الحلو

توزيع / تامر صقر



تيجي نبنيها

نعيد أمجادها ونحيي ماضيها

مين يبنيها واحنا بنيها

لو بدمانا راح نرويها

لو بالروح ما تعِز عليها




تيجي نهديها اللون الوردي

لو بنحب صحيح راح نِدي

خَلي يا صاحبي بيدك يدي

يصحى الفجر بكل واديها



تيجي نحكيها لبكرة حكاية

تبقى حياتنا ليها بداية

فيها الحب وسيلة وغاية

الله معانا هوَ حاميها

[شاهين أبو الفتوح]

أضغط هنا لتستمع
http://www.zshare.net/download/366835850fc6ff/

صرخة ميلاد
كلمات وانتاج / شاهين أبوالفتوح
غناء المطرب / محمد الحلو
لحن / فايد عبدالعزيز
توزيع موسيقي / د. محمد حسين
قيادة أوركسترا المايسترو / أمير عبدالمجيد

أُصرُخي صَرخِة ميلاد
أُصمُدي ساعِة الألم
ياما فى الأرحام ولاد
حلمها رفع العَلَم
زَغرَدي لجل اللي جاد
بالحياة ضد العَدَم
انهَضي مفيش حداد
أُطلُبي حق اتظَلم


أُصرُخِي صَحِي الجياد
أُنصُرِي حِلم اتهَزَم
أُعبُري أيام شِداد
ياما ف البركان حِمَم
أُمِتي حان المَعاد
قُومِي يا خيرَ الأُمَم
إنشِدي لحن الجهَاد
أيقِظِي فينا الهِمَم

[شاهين أبو الفتوح]

http://www.4shared.com/dir/3843985/9...5/sharing.html

المصَحياتي
كلمات وإنتاج / شاهين أبوالفتوح
غناء الفنان / د. عصام محمود
ألحان الفنان / فايد عبدالعزيز
توزيع الفنان / تامر صقر






اصحى يا نايم يا نايم اصحى
قوم تنهض الأوطان
قوم وحد الديان

بلدك يامصري اللي بناها كان من بنيها
واللي عاداها من عهد مينا
مالوهش فيها
اقرا تاريخك
شوف بعينك
أصلك وفصلك
دنياك ودينك
مرهون بإنك تزرع بأرضك تصنع بايدك

اصحى يا نايم يا نايم اصحى
قوم تنهض الأوطان
قوم وحد الديان

بلدك يامصري ربك حَباها وهبها نيلها
خَلا فيها حنان ولادها نجوم بليلها
ربك جعلها مخزون سهامه
وكان نبينا رسول كلامه
اصحى يامصري صَحي ضميرك
عصرك ينادي حَدد مصيرك

اصحى يا نايم يا نايم اصحى
قوم تنهض الأوطان
قوم وحد الديان

دبيت برِجلي مطرح ما قلبي اختارلي دربي
أقول ياربي أُجبُر بخاطري والاقي حبي
بلادي مالها مثيل يا خِلي
أحبابي منها بدني وضِلي
نايمين وغُمة حَلِت باُمة
يلزمها هِمة
أوعى تستنى وتقولي لِسه
وتقولي لما
اصحى يا نايم يا نايم اصحى

قوم تنهض الأوطان
قوم وحد الديان