قبل البداية !!! [الأرشيف]

مشاهدة النسخة كاملة : قبل البداية !!!

د. حسان محمد الشناوي

09-10-2007, 10:23 PM

د. حسان محمد الشناوي

09-10-2007, 10:26 PM

من أولها التخبطت مني طريقة التنسيق .

عشان كده لو تكرم عليا واحد منكم وحاول التنسيق بطريقة أحسن .

ربنا يستر في اللي جاي ( ده لو حيبقى فيه جاي ) .

وكل عام وأنتم بخير دايما .

شاهين أبو الفتوح

09-10-2007, 10:32 PM

أستاذنا الرائع الدكتور حسان الشناوي
والله لقد طربت وفرحت بمعانقة هذا الجمال العامي البسيط والواصل ، ولو كان بيدي لوضعته في إطار من ذهب .
محبتي واحترامي
شاهين

د. حسان محمد الشناوي

09-10-2007, 10:42 PM

أستاذي الكبير الكريم

شاهين أبا الفتوح

لولا حتمية الالتزام بقواعد الفصحى لجعلت كل ردي عاميا بحتا ؛ لأن الردود هنا أرى أن تكون

على نفس نسق الإبداع ؛ ليحلو التواصل .

وأما تشريفك إياي بما تكرمت ، فهو وسام حصلت عليه من كبير في قامتك .

ولعلي أقدم في العامية ما يستوجب التقويم .

مع يقيني أنيي فيها ( ميحه ، يعني لا شعر ولا حتى نثر ) .

أتركك في حفظ الله ورعايته .

دمت بكل خير وعافية .

محمد إبراهيم الحريري

09-10-2007, 11:04 PM

آه ياخوفي لو كلامي مش تمام =ولا وزن الشعر ضاع مني ونام
تبقى حوسه ، ولا كوسه =لو خرب مني الكلام
*****
فاعذروني ، يا اللي بتحلوا القصيده==واسمحوا لي إني أكتب عندك حاجة جديده
مش جديدة بمعنى إني حكتشف مجهول واجيبه =لا ، جديده بْمعنى إن الشعر عايْز اعرف دروبه
حرفي متْلجلج وهربان مني مش عارف أعيده =هو ليه الشعر بالعاميه مش بقدر أصيده ؟

يا حبيب القلب يا عرف السلام =ده كلامك حبته شهد التمام
مش تقول الدنيا حوسة بالتمام =ولا كوسة طبختو مثل الكلام
من قصيدك ينبت القول الجديد =(حمفل ) الاشعار من صحن النشيد
حرفك المعزوف من ناي فريد =ينعش الأذواق صار الطعم عيد
ــــــــــــــــــتيحاي أستاذي الجليل

مأمون المغازي

10-10-2007, 06:07 AM

.

أستاذنا والأستاذ همة و قامة والدليل = لما يكتب زي قولك برضو منه نستفيد
مش في ظني ييجي يوم ويعصى حرف= ع اللي قوله بأي لهجة نور أكيد
دا انت قولك يا جماله ويا سلام = لما تروي عن أساتذة والعميد
واما تكتب قولك انت يا جميل = الناس تشوفو كل مرة شيء جديد

أستاذي الدكتور حسان الشناوي ،

دائمًا أنت رائع أيها العالم العلامة والحافظ الرشيد

محبتي واحترامي

مأمون

حمدي ليلة

10-10-2007, 07:24 PM

إلى الرجل الطيّب
د.حسان الشناوى
الذى إلتقيته مرة واحدة..
وكنا فى ضيافة شلال الشعر
الرائع"محمد الحريرى"
وشعرت وكأنه أحد أفراد العائلة,
رجل يقطرُالعبير من فيه كلما تكلم
خجول جداً ومتواضع ورطب اللسان
وهو أيضا من ظرفاء الأروقة الكبار..
وبالنيابة عن الأخوة الأفاضل
فى رواق العامية
أرحب بك أيها الطيّب
سلام لك وعليك

أما بالنسبة لماقبل البداية
فلك ولى وللجميع مطلق الحرية فى البوح..
"ولايهمك يادكتور إحنا رجالتك وهنسمعلك"
تحياتى لك ....مبدعاً

د. حسان محمد الشناوي

11-10-2007, 04:13 PM

ياحريري قول لي إيه طيب أنا ممكن أقوله

وانت واخْد الشعر بالإبداع على عرضه وطوله

كنت بحسب إنك انتا زيي ما بتكتبشي ( عامي )

طلعت العامية من قلبك شجن عارف أصوله

شكلي حعمل لك نسيج من قلبك الصافي النبيل

بس فين الغزل حتى لو لو خيوط الشعر فولُه

*****

إيه ده بقى يا عمنا الكبير الحريري ؟

أتاريك مخبي حاجات في الشلال احنا مش عارفين عنها حاجة ،

والدليل أهه ، واحدة من الحريريات اللي نسيجها ما يخرش المية ، يعني كده شغل عدل .

طيب طيب : ربنا يسهل واعمل واحد شناوية عامية ، يمكن تخلينا نقف في وش الشلال مش

عشان يمرجحنا ولا يمطوحنا ، لالالالا عشان يرشنا بعطر المودة .

محبتي وتقديري أستاذي الحبيب الحريري.

د. حسان محمد الشناوي

11-10-2007, 04:16 PM

أخي الحبيب

أ . مأمون المغازي

على فكرة الكلام الحلو اللي انت كاتبه ده ينطبق عليك أنت لأخلاقك النبيلة ، وهمتك العالية ،

وكمان على ناس كبار زي الحريرين ( مثني الحريري) .وزي الرشيدي .

ما تخليها عامية أحسن ، عشان أحبابنا هنا ميزعلوش من الحاجات بتاعة سيبويه دي .

وبلاش الألقاب الكبيرة الكتيرة أوي دي الله يسترك ويكرمك ، أحسن آخد مقلب في نفسي ،

وبعدن تكون انت السبب في انقلاب شناوي يجعلني زي خيال المآتة .

احنا اخوة وبس وكفاية إن الأخوة هي الشجرة اللي بنضلل تحتها .

شكرا لحروفك البديعة ، ونفسك الرفيعة ،

وكل عام وأنت بألف خير .
*****

د. حسان محمد الشناوي

11-10-2007, 04:17 PM

الأخ الكريم

حمدي ليلة

هو انتم بتزوقوا الكلام ازاي ؟ أقصد بتعملوا إيه عشان الكلام يطلع حلو ومنظم ومؤثر؟

الحقيقة كان شوقي الله يرحمه عنده حق لما قال رئايه في بيرم التونسي ، لكن متهيأ لي لو هما

الاتنين ( الله يرحم الجميع ) كانوا موجودين معانا هنا أكيد كان راي شوقي حيتغير لأن إحنا حنا

ببدع عشان الناس تتمتع وتستفيد مش عشان ينقال إن فلان أشعر من فلان أو علان أحسن من

ترتان .
وطبعا كلامك الكبير ده ربنا هو اللي حيكافأك عليه ؛ لأن شايف نفسي أقل منه بكتير كتير .

يهمني أوي الجملة اللي بين القوسين دي جدا ، اسمعوا لي بس أرجوكم علموني ووجهوني

احسن أنيل الدنيا ، واضرب أخماس في أسباع ، واقسم أرباع على أتلات ، وتبقى حوسة بالفعل

مش حوسه في الشعر وبس .

شكرا لك أ . حمدي ، ولك تحيتي وتقديري.

محمد إبراهيم الحريري

11-10-2007, 07:38 PM

كلامك شهد وغزل ، من عرضه وطوله
يسقي الأحبة ْ عسلْ ، يا فرحتي بقوله
دكتور أيوه كده ، ياعمنا فوله
بالزيت طعمه ارتوى يا حظ معموله
شهر المودة راح ، والعيد باصوله
جانا على موعده ، وهلال ما طوله
إلا إذا قلبكم ينبض ومنديله
يمسح دموع المنى ، والكف معسوله
ـــــــــــــ
تحياتي أستاذي الجليل
يمكن نشكل فرقة غناء بلدي ، إيه رأيك هههههههه
تقبل إجلالي وتقديري

عبدالوهاب موسى

23-11-2007, 07:58 PM

الله عليك ياشناوى
زجل أصيل ومعانى رائعة .
دمت مبدعا.
ملحوظة: علشان ماتحصلشى لخبطة فى الكتابة دائما خلى حجم الخط 5فقط خلاص
ونرجو من الفريق الفنى القدير بالموقع أن يتكرم بتصغير حجم الحرف للقصيدة.

ناديه حسين

26-11-2007, 10:19 AM

آه ياخوفي لو كلامي مش تمام =ولا وزن الشعر ضاع مني ونام
تبقى حوسه ، ولا كوسه =لو خرب مني الكلام
*****
فاعذروني ، يا اللي بتحلوا القصيده==واسمحوا لي إني أكتب عندك حاجة جديده
مش جديدة بمعنى إني حكتشف مجهول واجيبه =لا ، جديده بْمعنى إن الشعر عايْز اعرف دروبه
حرفي متْلجلج وهربان مني مش عارف أعيده =هو ليه الشعر بالعاميه مش بقدر أصيده ؟

منور يادكتور حسان

وياهلا فيك

وشكرَاَ علي هذي المشاركه الخفيفة الظل :)

آه ياخوفي لو كلامي مش تمام =ولا وزن الشعر ضاع مني ونام

أه2 يخو3 في لو4 كلا3 مي مش4 تما3 م ه
ول2 لوز3 نش شع4 رضع3 من ني4 ونا3 م ه

= 2 3 4 3 4 3 ه..........2 3 4 3 4 3 ه = بحر الرمل

يعني تمام التمام ..

وصح الله لسانك يادكتور حسان

وبالهجتي الخليجيه وعلي الرمل اقول

استمر وكتب على كيفك ياشاعر
اكتب وابدع على كيف المشاعر
الشعر هو الشعر جدد وثابر
غوص في بحر الوله تطلع قصيده

وسلامتك

ودمت بخير :)

حمدي ليلة

26-11-2007, 10:43 AM

فى لقائي الأخير
بالدكتور
حسان الشناوى
هذا الرجل صاحب اللسان المطرز باللؤلؤ
وهو اللغوى الفذ والفصيح البيان...
وهو العاشق للفصحى...
تكلم الرجل عن العامية وكانها فن فريد
وأظهر عشقه لها,,,
وكيف أنها تصنع أحياناً ماتعجز عنه حروف الفصحى
وأسمعنا بعضاً ممايحمل فى ذاكرته منها
وبيّن جماليات الصور وروعة الموسيقى فى العامية
بدا الأمر وكأنى ولأول مرة أسمع عن شىء يسمى "الشعر العامى"
كم هو رائع هذا الرجل الشاعر الأديب المتذوق
ووعد بالقصيدة العامية الثانية قريباً إن شاء الله
ونحن فى إنتظارها وفى انتظاره
فمع أمثال هذا الإنسان ...الإبداع لايتجزأ
تحياتى له وتمنياتى بدوام اللقاءات

سحر الليالي

03-12-2007, 02:46 PM

روعة ..!!!
نبض مبدع بــ حق

سلمت ودام ألقك

بإنتظار جديدك دوما

لك تقديري وتراتيل ورد